Монгол Улсын Үндэсний аюулгүй байдлын зөвлөлийн нарийн бичгийн дарга

АЛТАНГЭРЭЛИЙН БЯМБАЖАРГАЛ

Монгол Улсын Үндэсний аюулгүй байдлын зөвлөлийн нарийн бичгийн даргыг Монгол Улсын Ерөнхийлөгч зарлиг гарган томилно.

Нарийн бичгийн дарга нь Зөвлөлийн үндсэн чиг үүрэгт хамаарах асуудлаар:

Судалгаа хийх, үнэлэлт дүгнэлт гаргах, шийдвэрийн үндэслэлийг боловсруулах, шийдвэрийн биелэлтэд хяналт тавих ажлыг зохион байгуулна;
Зөвлөлийн гишүүд бүрэн эрх, чиг үүргээ хэрэгжүүлэхэд нь туслах, Зөвлөлийн гишүүдийг үндэсний аюулгүй байдлын талаарх судалгаа, мэдээллээр хангах дотоод ажлыг эрхэлнэ;
Зөвлөлийн тэргүүн, гишүүдээс өгсөн чиглэл, зөвлөлийн шийдвэрийн дагуу үндэсний аюулгүй байдлыг хангах үйл ажиллагааг уялдан зохицуулах асуудлаар холбогдох байгууллага, албан тушаалтанд үүрэг даалгавар өгч, биелэлтэд хяналт тавина.

ҮНДЭСНИЙ АЮУЛГҮЙ БАЙДЛЫН ЗӨВЛӨЛИЙН үе үеийн НАРИЙН БИЧГИЙН ДАРГА НАР

1968-1973 онд МУИС-ийн Автотээврийн салбарт суралцаж, механик инженерийн мэргэжил эзэмшсэн. 1976-1980 онд хуучнаар Чехословак улсын Жилина хотын Тээврийн дээд сургуулийн аспирантурт суралцаж, Техникийн шинжлэх ухааны дэд эрдэмтний зэрэг(CSc), 1985-1987 онд Гадаад явдлын яамны дэргэдэх Англи хэлний дээд курс, 1990-1992 онд Словак улсын Жилина хотын Тээврийн дээд сургуулийн докторантурт суралцаж, Шинжлэх ухааны докторын зэрэг (Dr.Sc), 1996-1997 онд Английн Лийдсийн Их сургуульд суралцаж, Тээврийн төлөвлөлт, инженерингийн шинжлэх ухааны мастерын зэрэг (MCs) эзэмшиж, 1998 онд ШУТИС-ийн профессор цол хүртсэн.

1973-1995 онд Тээврийн эрдэм шинжилгээ, зураг төслийн институтэд эрдэм шинжилгээний ажилтан, ахлах ажилтан, эрдэмтэн нарийн бичгийн дарга, орлогч захирал, тээврийн салбарт олон улсын банк, санхүүгийн байгууллага, донор орнуудаас хэрэгжүүлсэн төслүүдийн төслийн удирдагч, зохицуулагч, үндэсний мэргэжилтэн;

1997-2002 онд Монгол Улсын Ерөнхийлөгчийн шадар туслах, ахлах референт, эдийн засгийн бодлогын зөвлөх;

2003-2005 онд Монгол Улсын Үндэсний аюулгүй байдлын зөвлөлийн нарийн бичгийн дарга;

2005-2009 онд Монгол Улсаас Канад улсад суух Онц бөгөөд Бүрэн эрхт Элчин сайд, 2010-2016 онд зам, тээврийн салбарт Азийн хөгжлийн банкнаас хэрэгжүүлсэн төслүүдэд төслийн удирдагч, үндэсний мэргэжилтнээр ажиллаж, 2010 оноос ШУТИС-ийн зөвлөх профессор, 2016 оноос Зам, тээврийн хөгжлийн сайдын орон тооны зөвлөхөөр тус тус ажиллаж байна.

2003 - 2006 он

Паламын СҮНДЭВ

1969-1974 онд ЗХУ-ын Москва хотод Хилийн цэргийн командын дээд сургууль, 1979-1990 онд Фрунзын нэрэмжит Цэргийн академи, ЗХУ-д Хилийн цэргийн командын дээд курс, БНМАУ-ын Сайд нарын Зөвлөлийн дэргэдэх Удирдах ажилтны мэргэжил дээшлүүлэх институтийн дээд курст сурч төгссөн. Түүхийн ухааны доктор, профессор. Хошууч генерал. НҮБ-ын дэргэдэх зөвлөх эрхтэй “Олон улсын мэдээжүүлэлтийн академи”-ийн жинхэнэ гишүүн, академич.

1967- 1990 онд Цэргийн ерөнхий дээд сургуульд лаборант, хилийн 0131 дүгээр ангид маневр ротын захирагч, хилийн заставын дарга, ангийн штабт хилийн албаны ахлах офицер, ангийн захирагчийн 1 дүгээр орлогч, штабын дарга, Хилийн ба Дотоодын цэргийн штабын Хилийн хэлтсийн орлогч дарга, хилийн 0198 дугаар ангийн захирагч, Хилийн ба Дотоодын цэргийн штабын 1 дүгээр орлогч, оператив хэлтсийн дарга;

1990-2006 онд Улсын аюулгүй байдлыг хангах ерөнхий газрын штабын хилийн хэлтсийн дарга, Хилийн цэргийн штабын дарга, Засгийн газрын дэд бүтцийн байгууллага Хилийн цэргийн удирдах газрын дарга, Улсын иргэний хамгаалалтын газрын дарга, Улсын байнгын онцгой комиссын орлогч дарга, Хилийн цэргийн удирдах газрын дарга, Хил хамгаалах ерөнхий газрын дарга, Хилийн цэргийн командлагч;

2006-2008 онд Монгол Улсын Үндэсний аюулгүй байдлын зөвлөлийн нарийн бичгийн даргаар тус тус ажиллаж байв.

2006 - 2008 он